الموضوع سهل و بسيط للي عايز يفهم:
1- السلطات في بلدنا "تشريعية - تنفيذية - قضائية"
2- لما مبارك اتخلع و اتحل مجلس الشعب و اتلغى دستور 71 ماكانش ينفع أي سلطة تفضل فاضية فالمجلس العسكري اللي عينه المخلوع قرر يكون هوه السلطة التنفيذية و التشريعية و ده كله بدون أي شرعية!
3- اللي كتب الإعلان الدستوري و عمل القانون بتاع انتخاب مجلس الشعب كان المجلس العسكري .. يعني عمل إعلان دستوري و حط قانون غير دستوري! .. و حتى لو كانت الأحزاب هي اللي ضغطت عليه فكان ممكن يغير الإعلان الدستوري و يخلي القانون دستوري! ما هي هيصة و عمال بيحط الحاجات بمزاجه! ..
4- اللي حصل إن الشعب إنتخب مجلس الشعب .. و أصبحوا همه اللي بيمثلوا الشعب بجد .. و همه اللي ليهم الشرعية ..
5- المحكمة الدستورية من حقها - فقط - الفصل في كون القانون دستوري أو لا .. و بعد كدة محكمة النقض هي اللي تحكم في صحة عضوية كل عضو على حدى ..
6- خلينا نفترض إن مجلس الشعب كله مفروض يتحل "و ده مش الحقيقي لأن محكمة النقض ماحكمتش أصلا!" .. لكن نفترض إن المجلس مفروض يتحل .. دلوقت مفروض حد يبقى ماسك السلطة التشريعية ..
7- أنا هأسألكم سؤال واحد .. بذمتكم مين اللي أولى إنه يمسك السلطة التشريعية لغاية ما يتم انتخاب مجلس شعب جديد؟ .. يا ترى مجلس الشعب إللي الناس اختارتهم في الإنتخابات و همه أصحاب الشرعية الحقيقية؟ وللا المجلس العسكري اللي عينه المخلوع؟! ..
8- قرار الرئيس مرسي يتلخص في إلغاء قرار ليس من حق المجلس العسكري إتخاذه .. بحيث تفضل السلطة التشريعية في إيد الناس اللي الشعب انتخبهم و اختارهم لغاية مايشوفوا هيعملوا انتخابات ازاي تاني و للا على أنهي جزء من الأعضاء ..
9- و أصلا نرجع للي حصل زمان أيام 87 في مصر .. مجلس الشعب كان غير دستوري .. ماحدش حله .. لكن حصل استفتاء على انه يفضل وللا لأ ! .. و برلمان الدانيمارك فضل 10 سنين مع إنه كان غير دستوري برده لكن الشعب اللي كان مختاره عشان كدة كمل! ..
10- من الآخر قرار الرئيس مرسي صح 100% و كل اللي بيفهموا أيدوه فيه .. و اللي بيطبلوا دلوقت في الإعلام إما مش فاهمين أو ليهم هدف .. و بيتمسحوا بكلمة القضاء و استقلال القضاء و احترامه! .. و أصلا القرار مالوش علاقة بالقرار نفسه .. و حط كل حاجة في وضعها الصحيح ..
بس خلاص!
1- السلطات في بلدنا "تشريعية - تنفيذية - قضائية"
2- لما مبارك اتخلع و اتحل مجلس الشعب و اتلغى دستور 71 ماكانش ينفع أي سلطة تفضل فاضية فالمجلس العسكري اللي عينه المخلوع قرر يكون هوه السلطة التنفيذية و التشريعية و ده كله بدون أي شرعية!
3- اللي كتب الإعلان الدستوري و عمل القانون بتاع انتخاب مجلس الشعب كان المجلس العسكري .. يعني عمل إعلان دستوري و حط قانون غير دستوري! .. و حتى لو كانت الأحزاب هي اللي ضغطت عليه فكان ممكن يغير الإعلان الدستوري و يخلي القانون دستوري! ما هي هيصة و عمال بيحط الحاجات بمزاجه! ..
4- اللي حصل إن الشعب إنتخب مجلس الشعب .. و أصبحوا همه اللي بيمثلوا الشعب بجد .. و همه اللي ليهم الشرعية ..
5- المحكمة الدستورية من حقها - فقط - الفصل في كون القانون دستوري أو لا .. و بعد كدة محكمة النقض هي اللي تحكم في صحة عضوية كل عضو على حدى ..
6- خلينا نفترض إن مجلس الشعب كله مفروض يتحل "و ده مش الحقيقي لأن محكمة النقض ماحكمتش أصلا!" .. لكن نفترض إن المجلس مفروض يتحل .. دلوقت مفروض حد يبقى ماسك السلطة التشريعية ..
7- أنا هأسألكم سؤال واحد .. بذمتكم مين اللي أولى إنه يمسك السلطة التشريعية لغاية ما يتم انتخاب مجلس شعب جديد؟ .. يا ترى مجلس الشعب إللي الناس اختارتهم في الإنتخابات و همه أصحاب الشرعية الحقيقية؟ وللا المجلس العسكري اللي عينه المخلوع؟! ..
8- قرار الرئيس مرسي يتلخص في إلغاء قرار ليس من حق المجلس العسكري إتخاذه .. بحيث تفضل السلطة التشريعية في إيد الناس اللي الشعب انتخبهم و اختارهم لغاية مايشوفوا هيعملوا انتخابات ازاي تاني و للا على أنهي جزء من الأعضاء ..
9- و أصلا نرجع للي حصل زمان أيام 87 في مصر .. مجلس الشعب كان غير دستوري .. ماحدش حله .. لكن حصل استفتاء على انه يفضل وللا لأ ! .. و برلمان الدانيمارك فضل 10 سنين مع إنه كان غير دستوري برده لكن الشعب اللي كان مختاره عشان كدة كمل! ..
10- من الآخر قرار الرئيس مرسي صح 100% و كل اللي بيفهموا أيدوه فيه .. و اللي بيطبلوا دلوقت في الإعلام إما مش فاهمين أو ليهم هدف .. و بيتمسحوا بكلمة القضاء و استقلال القضاء و احترامه! .. و أصلا القرار مالوش علاقة بالقرار نفسه .. و حط كل حاجة في وضعها الصحيح ..
بس خلاص!
مهاب التليتي
للي عايز D:
ردحذف